ព្រះសីហនុ៖ ប្រតិភូជាន់ខ្ពស់នៃរដ្ឋសភាកម្ពុជា ដឹកនាំដោយលោក ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវ នកម្ម នៃរដ្ឋសភា ស្វែងយល់កាវិនិយោគ និងការអភិវឌ្ឍរបស់ខេត្តព្រះសីហនុ។
លោកស្រី ហៀក ហ៊ីមិល្លី អភិបាលស្តីទីខេត្តព្រះសីហនុ មានប្រសាសន៍ជំរាបជូនថ្នាក់ដឹកនាំរដ្ឋសភាកម្ពុជានាព្រឹកថ្ងៃទី៤ មិនានេះដោយបានបង្ហាញពីសក្តានុពលអភិវឌ្ឍ វិស័យសេដ្ឋកិច្ច រួម មាន វិស័យឧស្សាហកម្ម កសិកម្ម ពាណិជ្ជកម្ម និងទេសចរណ៍ ដែលជាវិស័យអាទិភាព ធ្វើការអភិវឌ្ឍខឿនសេដ្ឋ កិច្ចខេត្តព្រះសីហនុ ។ ខេត្តព្រះសីហនុ មានសក្តានុពលដូចជា កំពង់ផែសមុទ្រទឹកជ្រៅ តំបន់សេដ្ឋកិច្ចពិសេស ព្រលានយន្តហោះអន្តរជាតិ និងឆ្នេរសមុទ្រដ៍ស្រស់ស្អាត ជីវ:ចម្រុះបាតសមុទ្រ និងធនធានធម្មជាតិទាំងអស់នេះ បាននឹងកំពុងជំរុញការអភិវឌ្ឍសេដ្ឋកិច្ចឱ្យមាន ការរីកចម្រើនជាលំដាប់។
លោកស្រីបន្តថា “ខេត្តព្រះសីហនុ ត្រូវបានរាជរដ្ឋាភិបាលចាត់ទុក និងប្រែក្លាយទៅជា ”តំបន់សេដ្ឋកិច្ចពិសេសគំរូពហុបំណង” ធំជាងគេតែមួយ គត់ក្នុងប្រទេសកម្ពុជា ស្របតាមគោលនយោបាយអភិវឌ្ឍន៍វិស័យឧស្សាហកម្មកម្ពុជា២០១៥ - ២០២៥”។
ឯកឧត្តមជាម យៀបបានអបអរសាទរដល់រដ្ឋបាលខេត្តព្រះសីហនុ បានបំពេញតួនាទីការងារបានល្អប្រសើរ ដោយសារតែខេត្តព្រះសីហនុ ជាប៉ូលសេដ្ឋកិច្ចមួយក្នុងចំណោមប៉ូលសេដ្ឋកិច្ចទាំង៤ មានរាជធានីភ្នំពេញ សៀមរាប ខេត្តព្រះសីហនុ និងភូមិភាគឥសាន្ត (រតនគិរី) ធ្វើឱ្យខេត្តព្រះ សីហនុ មានសក្តានុពលក្នុងការប្រមូលប្រភពចំណូល ចំណាយបានយ៉ាងច្រើន ម្យ៉ាងទៀតរដ្ឋបាលខេត្ត បានសហការជាមួយសាខាគយ និងរដ្ឋាករ និងសាខាពន្ធដារខេត្ត ជម្រុញការបង្កកើនរកប្រភពចំណូលថវិកាជាតិមានការកើនឡើង ក្នុងការកៀរគប្រភពចំណូលថវិកា ដើម្បីយកមកជួយផ្គត់ផ្គង់ដល់បណ្តាខេត្តមួយចំនួនក្នុងព្រះរាជាណាចក្រកម្ពុជា ដែលខេត្តខ្លះរកប្រភពចំណូលថវិកាមិនគ្រប់។ ម្យ៉ាងទៀតវិស័យទេសចរណ៍គ្នានផ្សែង នាំមកនូវប្រភពចំណូលមួយយ៉ាងសំខាន់ និងជួយរកការងារជូនបងប្អូនប្រជាពលរដ្ឋ បានយ៉ាងច្រើនសន្ធឹកសន្ធាប់ថែមទៀត ចូលរួមចំណែកកាត់បន្ថយភាពក្រីក្ររបស់ប្រពលរដ្ឋ ។
លោកក៏បានថ្លែងអំណគុណរដ្ឋបាលខេត្ត ដែលបានខិតខំជម្រុញសក្តានុពលប្រភពចំណូលជួយដល់បណ្តាខេត្តដទៃទៀត នៅក្នុងព្រះរាជាណាចក្រកម្ពុជា ហើយអ្វីដែលជាបញ្ហាប្រឈម យើងត្រូវធ្វើការដោះស្រាយ ជម្រះការប្រឈមលើគ្រប់វិស័យ ដើម្បីប្រែក្លាយខេត្តព្រះសីហនុ ជាគោលដៅទេសចរណ៍ និងការអភិវឌ្ឍន៍រីកចម្រើនថែមទៀត ស្រប តាមគោលនយោបាយចតុកោណតំណាក់កាលទី៤ របស់រាជរដ្ឋាភិបាលកម្ពុជា៕
ប្រភព : www.propertyarea.asia
