ភ្នំពេញ៖ ការងារចុះបញ្ជីដីធ្លី ជាកិច្ចការមូយដ៏ចម្បង នៃគោលនយោបាយដីធ្លីរបស់រាជរដ្ឋាភិបាលកម្ពុជា ក្នុងការគ្រប់គ្រង រៀបចំ ប្រើប្រាស់ និងបែងចែកដីប្រកបដោយប្រសិទ្ធភាព និងចីរភាព និងដើម្បីជាយុទ្ធសាស្រ្តក្នុងការដោះស្រាយ និងទប់ស្កាត់វិវាទដីធ្លីនៅទូទាំងប្រទេស។
ការចុះបញ្ជីដីធ្លីចែកចេញជា២ប្រភេទ គឺ“ការចុះបញ្ជីដីធ្លីមានលក្ខណៈជាប្រព័ន្ធ” និង “ការចុះបញ្ជីដីធ្លីមានលក្ខណៈដាច់ដោយដុំ”។
ការចុះបញ្ជីដីធ្លីមានពីរបៀប គឺការចុះបញ្ជីលក្ខណៈជាប្រព័ន្ធ និងលក្ខណៈដាច់ដោយដុំ ដោយនីតិវិធីនៃការធ្វើមានលក្ខណៈខុសគ្នាខ្លះៗប៉ុណ្ណោះ។
ការចុះបញ្ជីលក្ខណៈជាប្រព័ន្ធ គឺជាការកំណត់តំបន់វិនិច្ឆ័យ ដោយកំណត់យកទីតាំងណាមួយច្បាស់លាស់ ដើម្បីចុះបញ្ជីឲ្យប្រជាពលរដ្ឋ ដោយមិនចាំបាច់ឲ្យប្រជាពលរដ្ឋស្នើសុំទៅមន្ទីរនោះឡើយ។
ចំពោះការចុះបញ្ជីដីធ្លីលក្ខណៈដាច់ដោយដុំ គឺប្រជាពលរដ្ឋត្រូវស្នើសុំទៅមន្ទីររៀបចំដែនដី ឬទៅការិយាល័យភូមិបាល ដែលនៅជិតប្រជាពលរដ្ឋ។ ប៉ុន្តែចំពោះប័ណ្ណដែលប្រជាពលរដ្ឋស្នើសុំធ្វើដាច់ដោយដុំ នឹងអស់សុពលភាពនៅពេលដែល ក្រុមការងារចុះបញ្ជីលក្ខណៈជាប្រព័ន្ធចុះទៅធ្វើនៅតំបន់នោះរួចហើយ និងមានការចេញវិញ្ញាប័ណ្ណប័ត្រសម្គាល់ម្ចាស់អចល្យនវត្ថុ មានតម្លៃជាកម្មសិទ្ធិ៕
ប្រភព : www.propertyarea.asia
