ភ្នំពេញ៖ ទីផ្សារអចលនទ្រព្យនៅប្រទេសសឹង្ហបុរី នៅតែមានសញ្ញាវិជ្ជមានដោយសារកំណើននៃការវិនិយោគ និងតម្រូវការលំនៅដ្ឋានកើនឡើង។
យោងតាមគេហទំព័រសារព័ត៌មាន The Business Times បានចុះផ្សាយថា ទីផ្សារអចនទ្រព្យនៅក្នុងប្រទេសសឹង្ហបុរី នៅតែរក្សាបាននូវកំណើការល្អសម្រាប់ឆ្នាំ២០១៩នេះតទៅ ដោយសារទីផ្សារពាណិជ្ជកម្ម និងលំនៅដ្ឋាន និងការផ្គត់ផ្គង់បន្តកើនឡើងខ្ពស់។
សារព័ត៌មានដដែលនេះបានចុះផ្សាយទៀតថា តម្លៃអចលនទ្រព្យនៅក្នុងប្រទេសសឹង្ហបុរី និងការជួលអគារនឹងបន្តកើនឡើង ហើយរំពឹងថាតម្លៃទីផ្សារភាគហ៊ុន នឹងបង្រួបគម្លាត ដើម្បីជាមួយមូលដ្ឋានគ្រឹះអចលនទ្រព្យ ដែលកំពុងមានសុខភាពល្អ ជាពិសេសម្រាប់អ្នកអភិវឌ្ឍន៍។
សារព័ត៌មានបានព្យាករណ៍ថា តម្លៃលំនៅដ្ឋាននៅប្រទេសដែនកោះនេះ នឹងបន្តកើនឡើង៥ភាគរយបន្ថែមទៀត ដោយសារការវិលត្រឡប់នៃការកើនឡើងនិន្ននាការចំពោះការផ្គត់ផ្គង់ និងតម្រូវការនៅក្នុងទីផ្សារអចលនទ្រព្យ។ ជាមួយគ្នានោះការជួលអគារការិយាល័យ ក៏នឹងកើនឡើងតួលេខទ្វេដង នៅក្នុងឆ្នាំ២០១៩នេះ។
ប្រទេសសឹង្ហបុរី គឺជាប្រទេសមួយដែលមានទីផ្សារអចលនទ្រព្យល្អបំផុត ក្នុងតំបន់អាស៊ី ដែលធ្វើឲ្យកំណើន GDP កើនឡើង អត្រាអ្នកអត់ការងារធ្វើមានកម្រិតទាប និង ស្ថេរិភាពសេដ្ឋកិច្ចសង្គម ។
ជាមួយគ្នានោះ អ្នកវិភាគសេដ្ឋកិច្ចសេដ្ឋកិច្ចបានលើកឡើងថា វិស័យអចលនទ្រព្យនៅក្នុងប្រទេសមួយនេះ នឹងនៅតែរក្សានូវកំណើនល្អប្រសើរ សម្រាប់រយៈពេលមួយទសវត្សរ៍ទៅមុខទៀត៕
ប្រភព : www.propertyarea.asia
