ព្រះវិហារ៖ លោក ហួត សារឹម អនុរដ្ឋលេខាធិការ រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈកម្មការអន្តរក្រសួង ទៅត្រួតពិនិត្យវាយតម្លៃ និងប្រគល់-ទទួល ការងារស្ថាបនាផ្លូវក្រាលក្រួសក្រហមចំនួន ៣ខ្សែ ប្រវែងសរុប ១២ ៥០០ម៉ែត្រ នៅខេត្តព្រះវិហារ កាលពីថ្ងៃទី២៥ ខែមិនា ឆ្នាំ២០២១។
ក្រោយពីពិនិត្យ គណៈកម្មការអន្ដរក្រសួង បានសម្រេចឯកភាពទទួលយក ១០០ភាគរយ។ បើតាមក្រសួងអភិវឌ្ឍន៍ជន ឱ្យដឹងថា ផ្លូវក្រាលក្រួសក្រហមចំនួន ៣ខ្សែ ប្រវែងជាង ១២គីឡូម៉ែត្រ ទទឹង ៦ម៉ែត្រ សាងសង់លូដោះទឹកគ្រប់ប្រភេទចំនួន ៦កន្លែង និងផ្លាកឈ្មោះផ្លូវចំនួន ២កន្លែង ស្ថិតនៅភូមិពាក់ស្បែក ឃុំរំដោះស្រែ ស្រុកជាំក្សាន្ត ខេត្តព្រះវិហារ អនុវត្តដោយ ក្រុមហ៊ុនសំណង់បុរីកម្មករ ខូអិលធីឌី៕
ដោយ៖ Moeun Dyna
