ភ្នំពេញ៖ កំនើននៃការវិនិយោគ ពិសេសអ្នកវិនិយោគចិន បានធ្វើឲ្យក្រុងប៉ោយប៉ែត នៃខេត្តបន្ទាយមានជ័យ មានការផ្លាស់ប្តូរមុខមាត់ថ្មីយ៉ាងលឿន តាមរយៈការកើនឡើងនូវសំណង់អាគារខ្ពស់ទំនើបៗ និងការវិនិយោគសំណង់ផ្ទះល្វែងយ៉ាងច្រើន ពីសំណាក់អ្នកវិនិយោគជាតិ អន្តរជាតិ។
លោកឧកញ៉ាឡាច ប៊ុនលីម និងលោកស្រីខា លីនដា នៃអគ្គនាយកក្រុមហ៊ុនសំណង់ផ្ទះល្វែងមានជ័យ និងវីឡាមានជ័យ-ប៉ោយប៉ែតបានមានប្រសាសន៍ឲ្យដឹងកាលពីដើមសប្តាហ៍នេះថា អាគារទំនើបនិងសំណង់ផ្ទះល្វែង ក្នុងគម្រោងព្រះអាទិត្យ និងព្រះច័ន្ទ (SUN & MOON ) នៅប៉ូលតំបន់រីកចម្រើនកណ្ដាលក្រុងប៉ោយប៉ែត ខេត្តបន្ទាយមានជ័យ បានចាប់ផ្ដើមសាងសង់សម្រាប់បម្រើជូនអតិថិជន ដែលមានតម្រូវការកើនឡើងជាប្រចាំ។
សំណង់ផ្ទះល្វែងនេះ អាចឲ្យអតិថិជនបង់ត្រឹមតែ៨.៩៩០ដុល្លារ ក្នុងជំហ៊ានដំបូងប៉ុណ្ណោះ នឹងក្លាយជាម្ចាស់គេហដ្ឋានសម័យទំនើបរបស់ សំណង់ផ្ទះល្វែងព្រះអាទិត្យនិងព្រះច័ន្ទ ( Sun & Moon ) នេះហើយ។ គំរោងនេះមានទីតាំងល្អស្ថិតនៅទល់មុខសាលាពីរជាន់ តាមផ្លូហ្សូអាវ (ZOA ) ភ្ជាប់មកផ្លូវផ្លូវជាតិលេខ៥T ភូមិសាមគ្គីមានជ័យសង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ។
លោក សាន ស៊ានហូ អភិបាលក្រុងប៉ោយប៉ែតបានសាទរ និងការវិនិយោគងបស់ក្រុមហ៊ុន សំណង់ផ្ទះល្វែងមានជ័យនឹង វីឡាមានជ័យនេះ ។ ក្នុងអាជ្ញាធរដែនដីនិងសមត្ថកិច្ច លោកសរសើរការខិតខំប្រឹងជំរុញថែមទៀត ដើម្បីកសាងហេដ្ឋារចនាសម្ព័ន ផ្លូវបេតុង ថ្មមិច កសាងប្រពន្ធលូ ស្ពាន ដាអនាម័យនិងសន្តិសុខ ដើម្បីទទួលយកក្រុមហ៊ុនវិនិយោគផ្សេងទៀត មកវិនិយោគលើក្រុងមួយនេះ ស្របតាមកំនើនសេដ្ឋកិច្ចនៅកម្ពុជា។
យោងតាមរបាយការណ៍រដ្ឋបាល សាលាក្រុងប៉ោយប៉ែតបានឲ្យដឹងថា បច្ចុប្បន្នក្រុងប៉ោយប៉ែតមានអាគារចាប់ពីកំពស់៥ជាន់ ដល់ជាង២០ជាន់ប្រមាណ៦០អាគារ ដែលបានបញ្ចប់ និងកំពុងសាងសង់ ក្នុងនោះសំណង់បុរីលំនៅដ្ឋានដែលបានបញ្ចប់ការសាងសង់ចំនួន៨ និងកំពុងដំណើរការសាងសង់១០គំរោងទៀត។
លោកអភិបាលក្រុងប៉ោយប៉ែតបានឲ្យដឹងទៀតថា បច្ចុប្បន្នក្រុងប៉ោយប៉ែតមានមនុស្សរស់នៅប្រមាណជាង២០ម៉ឺននាក់ ក្នុងនោះប្រជាជនក្នុងស្រុក១៥ម៉ឺននាក់ និងជនបរទេសប្រមាណ៥ម៉ឺននាក់ ដែលពួកគេបាននិងកំពុងវិនិយោគ និងមកបំរើការងារនៅតាមរោងចក្រ ឧស្សាហកម្ម សណ្ឋាគារ កាស៊ីណូនៅក្នុងទីក្រុង ដែលកំពុងមានការរីកចំរើនយ៉ាងឆាប់រហ័សនេះ៕
ប្រភព : Property area
