ភ្នំពេញ៖ ផ្សារហ៊ុនឥណ្ឌូណេស៊ី (IDX) បានផ្អាកការជួញដូរភាគហ៊ុនជាបណ្តោះអាសន្ននៅព្រឹកថ្ងៃទី១៨ ខែមីនានេះ បន្ទាប់ពីសន្ទស្សន៍តម្លៃភាគហ៊ុនចម្រុះ (IHSG) បានធ្លាក់ចុះ ៥ភាគរយ។ នេះបើតាមផ្សាយរបស់ Xinhua។
ប្រធាន IDX លោក Iman Rachman បាននិយាយថា ខណៈ ពេលដែលការធ្លាក់ចុះគួរឱ្យកត់សម្គាល់បែបនេះគឺមិនធម្មតា វាត្រូវបានជំរុញដោយកត្តាខាងក្នុងនិងខាងក្រៅ រួមទាំងភាពមិនប្រាកដប្រជានៃសេដ្ឋកិច្ចសកលផងដែរ។ លោក បានបន្តថា បច្ចុប្បន្នអ្នកវិនិយោគជាច្រើនកំពុងរង់ចាំមើល។
ក្រុមហ៊ុនដែលបានចុះបញ្ជីនៅ IDX នៅតែរឹងមាំដូចដែលបានឆ្លុះបញ្ចាំងនៅក្នុងរបាយការណ៍ហិរញ្ញវត្ថុដែលប្រសើរឡើងក្នុងឆ្នាំ២០២៤ បើប្រៀបធៀបទៅនឹងឆ្នាំ២០២៣។ បើតាមការបន្ថែម ប្រធាន IDX។
លោក Kautsar Primadi Nurahmad លេខាធិការសាជីវកម្មនៃ IDX បាននិយាយថា ការផ្អាកក្នុងការជួញដូរមានគោលបំណងផ្តល់ឱ្យអ្នកចូលរួមទីផ្សារនូវពេលវេលាដើម្បីឆ្លើយតបទៅនឹងស្ថានភាពបច្ចុប្បន្ននិងរក្សាស្ថេរភាពនៃការជួញដូរ។
បើតាមការលើឡើង លោក Achmad Nur Hidayat សេដ្ឋវិទូមកពីសាកលវិទ្យាល័យអភិវឌ្ឍន៍ជាតិ បានកត់សម្គាល់ថាការធ្លាក់ចុះ IHSG មិនមែនគ្រាន់តែជាការឆ្លុះបញ្ចាំងពីភាពមិនប្រាកដប្រជាជាសកលប៉ុណ្ណោះទេ ប៉ុន្តែក៏ជាការព្រមានថាគំរូសេដ្ឋកិច្ចរបស់ប្រទេសឥណ្ឌូនេស៊ីពឹងផ្អែកខ្លាំងលើទំនិញ ហើយជាប់នៅក្នុងវដ្តបំណុលដើម្បីផ្តល់ហិរញ្ញប្បទានដល់កម្មវិធីប្រជាជននិយមដូចជា អាហារឥតគិតថ្លៃ និងជំនួយសង្គម។
ប្រសិនបើរដ្ឋាភិបាលមិនបញ្ឈប់ភ្លាមៗនូវគោលនយោបាយដែលមិនប្រុងប្រយ័ត្នទាំងនេះទេ វិបត្តិទំនុកចិត្តរបស់អ្នកវិនិយោគនឹងកាន់តែស៊ីជម្រៅ ហើយការធ្លាក់ចុះ IHSG នឹងគ្រាន់តែជាការចាប់ផ្តើមនៃខ្សែសង្វាក់ធំនៃបញ្ហា។ តាមការបញ្ជាក់ លោក Achmad៕
ដោយ៖ M DN-Angkor
