ភ្នំពេញ៖ រយៈពេល ៧ខែឆ្នាំ២០២៣ ការផ្លាស់ប្តូរពាណិជ្ជកម្មទ្វាភាគី កម្ពុជា-កូរ៉ែ សម្រេចបាន ៤៤៧.០៦លានដុល្លារ ធ្លាក់ចុះ ថយចុះ ៨,៣% បើធៀប ឆ្នាំ២០២២ មានចំនួន ៤៨៧,៤៧លានដុល្លារ។ បើតាមស្ថិតិអគ្គនាយកដ្ឋានគយ និងរដ្ឋាករកម្ពុជា។
ការផ្លាស់ប្តូរពាណិជ្ជកម្មរវាងប្រទេសទេសទាំងពីរ កម្ពុជា នាំទំនិញទៅកូរ៉េ ចំនួន ១៦៤,៧៤លានដុល្លារ កើន ២១,៦% បើធៀបឆ្នាំ២០២២ ដែលមាន ១៣៥,៤៩លានដុល្លារ រិឯកូរ៉េ នាំទំនិញមកកម្ពុជា ក្នុងទឹកប្រាក់ ២៨២,៣២លានដុល្លារ ធ្លាក់ចុះ ១៩,៨% ពីចំនួន ៣៥១,៩៨លានដុល្លារ។ បើតាមស្ថិតិដដែល។
បន្ទាប់ពីកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-កូរ៉េ និងកិច្ចព្រមព្រៀងពាណិជ្ជកម្មតំបន់ RCEP ចូលជាធរមាន គេសង្កេតឃើញចរន្តនៃការដោះដូរទំនិញនៃប្រទេសទាំងពីរ បានបោះជំហានទៅមុខកាន់តែរលូន ពិសេសកំណើនការនាំចេញកសិផលពីកម្ពុជាទៅប្រទេសកូរ៉េ។ បើតាមការលើកឡើងរបស់ លោក លឹម ហេង អនុប្រធានសភាពាណិជ្ជកម្មកម្ពុជា ដែលភ្នំពេញប៉ុស្តិ៍បានស្រង់សំដី។
ផលិតផលក្នុងវិស័យកសិកម្មកម្ពុជា អាចនឹងមានឱកាសកាន់តែច្រើននៅលើទីផ្សារប្រទេសកូរ៉េ ខណៈគុណភាពនិងសមត្ថភាពការដាំដុះ និងកែច្នៃនៅកម្ពុជាក៏កាន់តែល្អប្រសើរ។ បើតាមការបន្តរបស់ លោក លឹម ហេង បានបញ្ជាក់ថា ពាណិជ្ជកម្មអន្តរជាតិរវាងកម្ពុជា-កូរ៉េ នឹងមានសញ្ញាវិជ្ជមានខ្លាំងនៅពេលស្ថានភាពនយោបាយ និងសេដ្ឋកិច្ចពិភពលោកដែលកំពុងកើតមាននៅពេលនេះបញ្ចប់ទៅវិញ៕
ដោយ៖ មឿន ឌីណា (Moeun Dyna)
