ភ្នំពេញ៖ អង្គការសុខភាពពិភពលោក (WHO) មានការព្រួយបារម្ភយ៉ាងខ្លាំងចំពោះវីរុស COVID-19 បំប្លែងខ្លួនថ្មី B.1.1.529 នៅខ្នែង Spike Protein​ ទី32 ខុសគ្នាយ៉ាងខ្លាំងពីវីរុសទម្រង់ដើម ដែលវ៉ាក់សាំងត្រូវបានអភិវឌ្ឍឡើង ដើម្បីប្រយុទ្ធប្រឆាំងនឹងវា ហើយវាឆ្លងលឿនខ្លាំងទ្វេដងជាង​ទម្រង់​ដែលតា​ទៅទៀត​។ បើតាមនាយកដ្ឋានប្រយុទ្ធនឹងជំងឺឆ្លង (CDC)។

នាយកដ្ឋានប្រយុទ្ធនឹងជំងឺឆ្លង បានបន្តថា ប្រភពរកឃើញដំបូង​នៅប្រទេស​បុតស្វាណា (Botswana)​ និងចម្លងទៅប្រទេសអាហ្វ្រិកខាងត្បូង ព្រមទាំងប្រទេសមួយចំនួនទៀតដូចជា ណាមីបៀ (Namibia) ហ្ស៊ីមបាបវ៉េ (Zimbabwe) ឡេសូថូ (Lesotho) និងអេស្វាទីនី (Eswatini)​ដែលជាប្រទេសស្ថិតនៅទ្វីបអាហ្រ្វិក​។

មេរោគ​បំប្លែងខ្លួនថ្មី B.1.1.529 នៅខ្នែង Spike Protein​ ទី32​នេះ បានរកឃើញចំនួនពីរករណីនៅក្រុងហុងកុងដែលធ្វើដំណើរត្រលប់ពីប្រទេសអាហ្វ្រិកខាងត្បូង​។ បើតាមការបញ្ជាក់របស់ CDC៕

ដោយ៖ មឿន ឌីណា (Morun Dyna)