ភ្នំពេញ៖ ការសាបព្រួសស្រូវរដូវវស្សា ខេត្តព្រៃវែង សម្រចបានចំនួន ១៦៥ ២២៨ហិកតា ស្មើនឹង ៦៦,០៩ភាគរយ នៃផែនការ ដែលក្នុងនេះមានស្រូវស្រាលចំនួន ៥២ ៦៩៦ហិកតា, ស្រូវកណ្ដាលចំនួន ៨៩ ២៧៩ហិកតា និងស្រូវធ្ងន់ចំនួន ២៣ ២៥៤ហិកតា។ តាមការឱ្យដឹង ពីរដ្ឋមន្រ្តីក្រសួងកសិកម្ម លោក វេង សាខុន។
លោក បានបន្តថា គិតត្រឹមថ្ងៃទី២៥ ខែមិថុនា ឆ្នាំ២០២០ ខេត្តព្រៃវែង ទទួលបានកម្ពស់ទឹកភ្លៀងជាមធ្យមប្រមាណជា ២៨៦.៣៧មីលីម៉ែត្រ ដែលសម្រេចបាន ការសាបព្រួសស្រូវរដូវវស្សាដូចចំនួនខាងលើ។ ប៉ុន្ត ទទឹមនេះ ក៏បានប្រទះនឹងគ្រោះរាំងស្ងួត ផ្នែកខ្លះនៅតាមបណ្តាស្រុកទាំង៧ ដែលមានផ្ទៃដីសរុបចំនួន ១៨ ៤៥២ហិកតា ក្នុងនេះសង្រ្គោះបាន ១៣ ២៣៨ហិកតា (ដោយទឹកភ្លៀង)។
បើតាម លោក រដ្ឋមន្រ្តីក្រសួងកសិកម្ម បានបន្ថែមថា ដោយឡែកការងារដាំដុះដំណាំឧស្សាហកម្មរយ:ពេលខ្លី រដូវវស្សា ៤ ៨៨៧ហិកតា ក្នុងនេះមាន ពោតក្រហម ២ ៧៤០ហិកតា, សណ្ដែកបាយ ៩២ហិកតា, ដំឡូងមី ១ ០៣៥ហិកតា, សណ្ដែកដី ៣៥ហិកតា, ល្ង ២៩៣ហិកតា, អំពៅ ៦០២ហិកតា, ឈូក ៨០ហិកតា និងដំណាំសាកវប្បកម្ម សម្រេចបានសរុបចំនួន ៨៨៣ហិកតា។
លោក វេង សាខុន បានបន្ថែមឱ្យដឹងទៀតថា ទន្ទឹមនឹងការប្រមូលផលបានជាបណ្តើរៗនៅក្នុងខេត្តនេះ យើងក៏បានសម្រេច ការនាំស្រូវនាំចេញទៅប្រទេសវៀណាមជាបណ្តើរៗផងដែរ ជាក់ស្តែងគិតចាប់ពីថ្ងៃទី២២ ខែឧសភា រហូត ដល់ថ្ងៃទី២៥ មិថុនា ឆ្នាំ២០២០ សម្រេចនាំស្រូវចេញសរុបបាន ៧២ ៤២៥តោន ។ រីឯតម្លៃវិញក៏ទទួលបានសមរម្យផងដែរគឺ៖ ស្រូវ IR504 មានតម្លៃ ៩២០រៀលក្នុង១គីឡូក្រាម, ស្រូវ OM5451 មានតម្លៃ ៨៥០រៀលក្នុង១គីឡូក្រាម៕
ដោយ៖ឌីណា
