អន្តរជាត៖ ប្រទេសចិនបានអំពាវនាវឱ្យសហរដ្ឋអាមេរិកលុបចោលការដំឡើងពន្ធលើទំនិញរបស់ចិនដែលចូលមកក្នុងប្រទេសនេះ ជាសញ្ញាបង្ហាញថាលោកប្រធានាធិបតី Donald Trump មានការយកចិត្តទុកដាក់យ៉ាងខ្លាំងចំពោះការដោះស្រាយសង្គ្រាមពាណិជ្ជកម្មរវាងប្រទេសទាំងពីរ។
មន្ត្រីចិនម្នាក់ បាននិយាយថា មិនមានកិច្ចចរចាពាណិជ្ជកម្មជាមួយសហរដ្ឋអាមេរិកទេ ទោះបីជាមានការផ្ដល់យោបល់ផ្សេងពីរដ្ឋបាល Trump ក៏ដោយ។
សង្គ្រាមពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីរបាននឹងកំពុងកើនឡើង ដោយប្រទេសចិនបានបញ្ជូនយន្តហោះ Boeing ដែលខ្លួនបញ្ជាទិញពីសហរដ្ឋអាមេរិកមកវិញ នៅក្នុងការសងសឹកចុងក្រោយរបស់ខ្លួនជុំវិញពន្ធគយ។
ប៉ុន្តែលោក Trump ហាក់ដូចជាបន្ទន់ជំហររបស់លោកចំពោះចិន ដោយនិយាយថាពន្ធដែលលោកបានដាក់រហូតមកដល់ពេលនេះលើការនាំចូលរបស់ចិននឹង «ធ្លាក់ចុះយ៉ាងខ្លាំង ប៉ុន្តែវានឹងមិនសូន្យឡើយ»។
សង្គ្រាមពាណិជ្ជកម្មរវាងចិន និងអាមេរិកកំពុងស្ថិតក្នុងសភាពធ្ងន់ធ្ងរ ដោយលោក Trump បានដាក់ពន្ធនាំចូលរហូតដល់ ១៤៥% លើទំនិញរបស់ចិនដែលចូលមកក្នុងសហរដ្ឋអាមេរិក ហើយប្រទេសចិនបានវាយបកវិញជាមួយនឹងពន្ធ ១២៥% លើផលិតផលអាមេរិក។
នៅក្នុងសេចក្តីថ្លែងការណ៍ដ៏រឹងមាំបំផុតមួយរបស់ប្រទេសចិនដែលមិនទាន់មានអំពីសង្គ្រាមពន្ធគយ អ្នកនាំពាក្យក្រសួងពាណិជ្ជកម្ម លោក He Yadong បាននិយាយថា សហរដ្ឋអាមេរិកគួរតែដកចេញនូវវិធានការពន្ធឯកតោភាគី ទាំងអស់ប្រឆាំងនឹងប្រទេសចិន ប្រសិនបើគេពិតជាចង់ដើម្បីដោះស្រាយបញ្ហា។ លោកបានបញ្ជាក់ថា៖ «អ្នកដែលចងកណ្ដឹងត្រូវតែស្រាយវា»។
ដោយឡែក អ្នកនាំពាក្យក្រសួងការបរទេស លោក Guo Jiakun បាននិយាយថា ប្រទេសចិននិងសហរដ្ឋអាមេរិក មិនបានពិគ្រោះ ឬការចរចាលើពន្ធគយនោះទេ ទុកតែឱ្យឈានដល់កិច្ចព្រមព្រៀងមួយ។
ថ្មីៗនេះ លោក Trump បាននិយាយថា ការចរចាររវាងប្រទេសគឺ "សកម្ម" ប៉ុន្តែនេះក៏ត្រូវបានជំទាស់ដោយរដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បាននិយាយកាលពីថ្ងៃពុធថា ពួកគេមិនទាន់បានចាប់ផ្តើមនៅឡើយ។ លោក Bessent បានបន្តថា មានឱកាសមួយសម្រាប់កិច្ចព្រមព្រៀងធំ រវាងសហរដ្ឋអាមេរិក និងចិនលើពាណិជ្ជកម្ម។លោកធ្លាប់បាននិយាយកាលពីមុនថា រំពឹងថានឹងមានការកើនឡើងនៃសង្គ្រាមពាណិជ្ជកម្មមិនស្ថិតស្ថេរ ហើយបាននិយាយថា ស្ថានភាពបច្ចុប្បន្នមិនមែនជារឿងលេងសើចទេ។
លោក Trump បាននិយាយកាលពីថ្ងៃអង្គារថា "ល្អណាស់" ក្នុងការចរចាជាមួយទីក្រុងប៉េកាំងក្នុងក្តីសង្ឃឹមនៃការធានាកិច្ចព្រមព្រៀងពាណិជ្ជកម្ម។
ប៉ុន្តែ បន្ទាប់ពីការអត្ថាធិប្បាយចុងក្រោយបង្អស់របស់ប្រទេសចិន លោកបាននិយាយនៅលើវេទិកាប្រព័ន្ធផ្សព្វផ្សាយសង្គម Truth របស់គាត់ ថា "ក្រុមហ៊ុន Boeing គួរតែដាក់កំហុសប្រទេសចិនចំពោះការមិនទទួលយកយន្តហោះដែលបានបញ្ចប់ដ៏ស្រស់ស្អាតដែលប្រទេសចិនបានប្តេជ្ញាចិត្តក្នុងការទិញ។
លោក Trump បានបន្តថា នេះគ្រាន់តែជាឧទាហរណ៍តូចមួយនៃអ្វីដែលចិនបានធ្វើចំពោះសហរដ្ឋអាមេរិកអស់រយៈពេលជាច្រើនឆ្នាំមុនពេលមានការចោទប្រកាន់ម្តងទៀតថាថ្នាំអាភៀនសំយោគ fentanyl បន្តចាក់ចូលប្រទេសរបស់យើងពីប្រទេសចិន តាមរយៈម៉ិកស៊ិក និងកាណាដា ដែលបានសម្លាប់ប្រជាជនរបស់យើងរាប់សែននាក់។
បើតាម លោក Kelly Ortberg ម្ចាស់ក្រុមហ៊ុនផលិតយន្តហោះ Boeing បានបង្ហើបឱ្យដឹងថា ចិនបានបញ្ជូនយន្តហោះដែលខ្លួនបានបញ្ជាទិញពីអាមេរិកមកវិញ ជាផ្នែកមួយនៃការសងសឹករបស់ខ្លួនចំពោះការដំឡើងពន្ធ។ លោក បានបន្តថា យន្តហោះពីរគ្រឿងត្រូវបានប្រគល់មកវិញរួចហើយ ហើយមួយទៀតនឹងតាមដានភាពតានតឹងពាណិជ្ជកម្មរវាងប្រទេសទាំងពីរ។
លោក Ling Ji អនុរដ្ឋមន្ត្រីក្រសួងពាណិជ្ជកម្មបាននិយាយថា ប្រទេសចិនបានរៀបចំតុមូលមួយកាលពីថ្ងៃពុធដើម្បីដោះស្រាយកង្វល់របស់ក្រុមហ៊ុនបរទេសជាង៨០ ជុំវិញផលប៉ះពាល់នៃពន្ធរបស់សហរដ្ឋអាមេរិកលើការវិនិយោគ និងប្រតិបត្តិការរបស់ពួកគេនៅក្នុងប្រទេសចិន។ លោក ថា វាត្រូវបានគេសង្ឃឹមថាក្រុមហ៊ុនបរទេសនឹងប្រែក្លាយវិបត្តិទៅជាឱកាស៕
ប្រភព៖ BBC
ប្រែសម្រួលដោយ៖ MD-Angkor
