ភ្នំពេញ៖ ក្នុងខែមករា ឆ្នាំ២០៥នេះ កម្ពុជារកចំណូលបានចំនួន ៧៥ ១៤៨ ១៦៨ដុល្លារ ពីការនាំចេញជ័រកៅស៊ូចំនួន ៣៨ ៨៧៣តោន និងឈើកៅស៊ូចំនួន ៤២៧ ៨៤០ដុល្លារ មានចំនួន ១ ៩៤៦ម៉ែត្រគូប។ បើតាមរបាយការណ៍ របស់អគ្គនាយកដ្ឋានកៅស៊ូ។
ការនាំចេញជ័រកៅស៊ូចំនួន ៣៨ ៨៧៣តោន បានថយចុះចំនួន ២ ៦១៤តោន ស្មើនឹង ៦.៣០% ធៀបនឹងខែមករា ឆ្នាំ២០២៤។ បើតាមរបាយការណ៍ខាងលើ។
ជ័រកៅស៊ូមានតម្លៃ ១ ៩៣៣ដុល្លារ ក្នុង១តោន កើនឡើងចំនួន ៤៨៨ដុល្លារ ក្នុង១តោន ស្មើនឹង៣៤% ធៀបនឹងរយៈពេលដូចគ្នាឆ្នាំ២០២៤។ ខណៈ តម្លៃនៃការនាំចេញឈើកៅស៊ូ ជាមធ្យមក្នុងខែមករា ឆ្នាំ២០២៥ មានតម្លៃ ២២០ដុល្លារ ក្នុងមួយម៉ែត្រគីប។
គួររម្លឹកថា ក្នុងឆ្នាំ២០២៤ កម្ពុជារកចំណូលបាន ពីការលក់ផលិតផលកៅស៊ូជាង ៦៧១លានដុល្លារ កើនឡើងប្រមាណចំនួន ៦.២លានដុល្លា ស្មើនឹង១.២% ធៀបឆ្នាំ២០២២។
គូសបញ្ជាក់ថា ផ្ទៃដីកៅស៊ូសរុបមានចំនួន ៤២៥ ៤៤៣ហិកតា ក្នុងនោះ ផ្ទៃដីចៀរជ័រមានចំនួន ៣៣០ ២៥៩ហិកតា ស្មើនឹង ៧៨.% និងផ្ទៃដីថែទាំមានចំនួន ៩៥ ១៨៤ហិកតា ស្មើនឹង២២%។
ជ័រកៅស៊ូកម្ពុជាក្រៅពីនាំចេញ ក៏ត្រូវបានផ្គត់ផ្គង់ដល់រោងចក្រផលិតសំបកកង់រថយន្ដចំនួន៣ ដែលកំពុងតែដំណើរការផងដែរ រួមមាន នៅខេត្តស្វាយរៀង ខេត្តព្រះសីហនុ និងខេត្តក្រចេះ៕
ដោយ៖ មឿន ឌីណា (Moeun Dyna)
