ភ្នំពេញ៖ ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល៣ថ្ងៃ ចាប់ពីថ្ងៃទី១៤-១៦ ខែវិច្ឆិកា ឆ្នាំ២០២៤ មានទេសចរជាតិ និងអន្តរជាតិជាង ៧,៨លាននាក់ បាន​ធ្វើដំណើរកម្សាន្តទូទាំង​ប្រទេស។ របាយការណ៍ ក្រសួងទេសចរណ៍។

ក្នុងចំណោម ទេសចរជាង ៧,៨លាននាក់ ក្នុងនោះ ទេសចរជាតិសរុប ៧ ៧៥៥ ០៩២នាក់ និង​ទេស​ចរ​​អន្តរ​ជាតិ សរុប ៨៩ ២៩៦នាក់។ បើតាមរបាយការណ៍ខាងលើ។

របាយការណ៍នេះ បានបញ្ជាក់ថា ភ្នំពេញ ទទួលបានទេសចរច្រើនជាងគេ មានភ្ញៀវដើរកម្សាន្ត​ជាង ៦,២​លាន​នាក់ ខណៈខេត្តសៀមរាប​ឈរលេខរៀងទី២ មានភ្ញៀវទេសចរជាង ៣៤ម៉ឺននាក់ និងខេត្តព្រះសីហនុ នៅលំដាប់ទី៣ ទេសចរជាង៣១ម៉ឺននាក់។

សូមកត់សម្គាល់ថា ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ២០២៤នេះ គឺមានទេសចរជាតិ នៅទូទាំងប្រទេសមានចំនួនកើនឡើងច្រើនជាងឆ្នាំ២០២៣៕

ដោយ៖ មឿន ឌីណា (Moeun Dyna)