ព្រះសីហនុ៖ កម្មវិធី​ពិសេសជំរុញការវិនិយោគខេត្តព្រះសីហនុ ឆ្នាំ២០២៤ របស់រាជរដ្ឋាភិបាលកម្ពុជា ដែល​បាន​ដាក់​ចេញ​ ​មកដល់ពេលនេះ ​អនុគ​ណៈ​ក​ម្មកា​រ​វិ​​និ​យោ​គខេ​ត្ត​ព្រះ​សីហ​នុទទួលបានសំណើសុំលើកទឹកចិត្តចំនួន ៩៧គម្រោង។ បើតាមការឱ្យដឹងពី លោក ម៉ាង ស៊ីណេត អភិបាល​ខេត្តព្រះសីហនុ។

ក្នុងនេះ គម្រោងទទួលបានលិ​ខិត​អ​នុ​ញ្ញា​តជា​គោ​​លការណ៍ ៦១​គម្រោង គម្រោងដាក់ពាក្យស្នើសុំតែមិនទទួលបានការឯកភាព​ចំនួន ៣គម្រោង គម្រោងបា​​ន​ដាក់​ពាក្យ​ស្នើសុំតែពន្យាមាន ៦​គម្រោង។ បើតាម ការបន្ត លោក ម៉ាង ស៊ីណេត។

លោក ម៉ាង ស៊ីណេត បានបន្តទៀតថា ដើម្បីជំរុញនិងស្ដារ​ការ​វិនិយោគ​នៅក្នុង​ខេត្តព្រះសីហនុ​ឡើង​វិញ រាជរដ្ឋាភិបាល​បានដាក់​ចេញ​នូវ​ក​​ម្ម​វិ​ធី​ពិសេស ​ជំរុញការ​វិនិយោគក្នុង​ខេត្តព្រះសីហនុ​ ​​បច្ចុប្បន្ន​មានគម្រោងជាច្រើន​បាន​ចាប់ផ្តើមមានសកម្មភាពឡើងវិញ ទាំងការ​សាងសង់បន្តបញ្ចប់​គម្រោង ក៏ដូចជាគម្រោងស្នើសុំវិនិយោគថ្មី។

ឆមាសទី១ឆ្នាំ២០២៤ ខេត្ត​ព្រះសី​ហ​នុ​ទទួ​ល​បា​ន​ភ្ញៀ​​វ​ទេសចរសរុប ២,៨លាននាក់ ក្នុងនោះភ្ញៀវជាតិ ២,៦លាន​នាក់ និងភ្ញៀវបរទេសជាង ២០ម៉ឺ​ន​នាក់​ បើធៀ​​បនឹងគ្រាដូចគ្នា​នៅឆ្នាំ២០២៣ មានការកើនឡើង។ ភ្ញៀវ​ទេស​ច​​រម​ក​ពីអឺរ៉ុ​ប​ភាគច្រើនសំ​ដៅទៅកម្សាន្តនៅតំបន់កោះក្នុងក្រុងកោះរ៉ុង។ បើតាម លោក អភិបាលខេត្តព្រះសីហនុ។

ដោយឡែក ចំពោះការដឹកជញ្ជូន រាជរដ្ឋា​ភិបាលបានកំណត់យកកំពង់ផែក្រុងព្រះសីហនុ ទៅដ​ល់​ស្រុកស្ទឹងហាវ ជាតំបន់ឧស្សាហកម្ម និងភស្តុភាកម្ម។ ជាការបន្ថែម អភិបាលខេត្តព្រះសីហនុ្ លោក ម៉ាង ស៊ីណេត។

គូសបញ្ជាក់ថា ក្រុងព្រះសីហនុ ជាទីក្រុងទី៤ បន្ទាប់ពីរាជធានីភ្នំពេញ ក្រុងសៀមរាប និងក្រុងបាត់ដំបង ដែលបានចូលជាសមាជិកបណ្តាញទី​ក្រុងឆ្លាត​អាស៊ាន កាលពីឆ្នាំ២០១៨។ គិតត្រឹមឆ្នាំ២០២៤ បណ្តាញទី​ក្រុងឆ្លាតអាស៊ានមានចំនួន ៣១ ទីក្រុង មកពីប្រទេសចំនួន១០ រួមមានប្រទេសព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន ភូមា សិង្ហបុរី ថៃ និងប្រទេសវៀតណាម។

ខេត្តព្រះសីហនុ ជាខេត្តមានសក្តានុពលសម្រាប់ជំរុញ​កំណើនសេដ្ឋកិច្ច និងទេ​សច​រណ៍​។ ខេត្តនេះ មានក្រុងចំនួនពីរ និងស្រុក​ចំនួន៣ មាន ២៩ឃុំ/សង្កាត់ ស្មើនឹង ១១១​ភូមិ មានកោះ៣២ ឆ្នេរ​ស​មុ​ទ្រ​មាន​ប្រវែង ១៧៥គីឡូម៉ែត្រ មានឧទ្យានជាតិលើគោក និងឧទ្យានជាតិបាតសមុទ្រ។

គួររម្លឹកថា កាលពីថ្ងៃទី៣០ ខែកក្កដា ឆ្នាំ២០២៤ ជាថ្ងៃទី១ នៃកិច្ចប្រជុំបណ្តាញទីក្រុងឆ្លាតអាស៊ាន លើកទី៧ ឆ្នាំ២០២៤ ដែលប្រារព្ធធ្វើនៅទីក្រុងហ្លួងព្រះបាង ប្រទេសឡាវ បានសម្រេចដាក់បេក្ខភាពក្រុងព្រះសីហនុ ចូលជា​សមាជិកនៃបណ្តាញទីក្រុងឆ្លាតអាស៊ានជាផ្លូវការ ក្រោមការចង្អុល​បង្ហាញ និងសម្របសម្រួលពីគណៈកម្មការសម្របសម្រួល និងដឹកនាំ​ការងារទីក្រុងឆ្លាត នៃក្រសួងមហាផ្ទៃ។

ការចូលជាសមាជិក​បណ្តាញ​ទីក្រុងឆ្លាតអាស៊ាននេះ នឹងជំរុញឱ្យទីក្រុងព្រះសីហនុ ក្លាយជាទី​ក្រុងមួយ​រស់នៅប្រកបដោយគុណភាពជីវិតខ្ពស់ ការប្រកួត​ប្រជែង​សេដ្ឋកិច្ច និងជាទីក្រុងដែលមានបរិស្ថានប្រកបដោយនិរន្តរភាព ព្រមទាំងចាប់ឱកាសនូវកាលានុវត្តភាពថ្មីៗ នៃសាកលភាវូនីយកម្ម​បច្ចេកវិទ្យា និងសេដ្ឋកិច្ច៕

ដោយ៖ មឿន ឌីណា (Moeun Dyna)