ភ្នំពេញ៖ របាយការណ៍របស់ក្រសួងកសិកម្ម រុក្ខាប្រម៉ាញ់ និងនេសាទប្រចាំឆ្នាំ២០១៩ បានឱ្យដឹងថា ក្រសួងបានចេញប្រកាសស្ដីពីការបង្កើត និងគ្រប់គ្រងតំបន់ព្រសហគមន៍ចំនួនកន្លែងមានផ្ទៃដីសរុបចំនួន ៧ ៣៤៩,៩៥ហិកតា ក្នុងនេះខេត្តកំពង់ធំមាន១កន្លែង ផ្ទៃដីទំហំ ១ ២៧៥,៤៦ហិកតា និងខេត្តបាត់ដំបងចំនួន ១០កន្លែង ផ្ទៃដីទំហំ ៦ ០៧៤,៤៩ហិកតា។
របាយការណ៍ខាងលើបានបន្តថា បានចុះកិច្ចព្រមព្រៀងព្រៃសហគមន៍ចំនួន ១២កន្លែងមានផ្ទៃដីទំហំ ៧ ៥០១,៤៩ហិកតា ក្នុងខេត្តមណ្ឌលគិរីចំនួន១កន្លែង មានទំហំ១ ១០៤ហិកតានិងខេត្តបាត់ដំបងចំនួន ១០កន្លែងមានផ្ទៃដីទំហំ ៦ ០៧៤,៤៩ហិកតា ហើយនិងខេត្តកោះកុង១កន្លែង មានផ្ទៃដីទំហំ ៣២៣ហិកតា។
នៅឆ្នាំ២០១៩ ក្រសួងផ្ដល់បណ្ណសម្គាល់សិទ្ធិប្រើប្រាស់រណាយន្ត ៧១គ្រឿង និងយានយន្ត ១០៧គ្រឿងឱ្យក្រុមហ៊ុន ចំនួន ៦ និងអ្នកស្នើសុំ ៣នាក់។ ដូចគ្នានេះដែរ ផ្ដល់លិខិតបើកផ្លូវដឹកជញ្ជូនផល អនុផលព្រៃឈើឱ្យក្រុមហ៊ុនចំនួន ១៣ និងអ្នកស្នើសុំចំនួន ៥ ដែលមានឈើហ៊ុបមូឡចំនួន ៣៣ ១០៣ម៣ ឈើអារចំនួន ៤ ១៨៤ម៣ ឈើប្រណិតចំនួន ១៨០ម៣ ឈើជ្រុងចំនួន ២ ៧៩០ម៣ កូនឈើចំនួន ២០០ ០១៨ដើម អុសចម្រុះចំនួន ៥៣ ១៨១ស្ទែរ ជន្លង់សម្រេចចំនួន ២៣៩ដើម សសរចំនួន៥៦ដើម ធ្យូងចំនួន ១៨ ២១៧គីឡូក្រាម គល់ធ្នង់ និងគល់បេងចំនួន ៥៩០គីឡូក្រាម ពកបេងចំនួន ៣៩៤គីឡូក្រាម និងជ័រទឹកចំនួន ៤៨២តោន៕
ដោយ៖ឌីណា
