ភ្នំពេញ៖ យោងតាមសន្ទស្សន៍លំនៅឋានសកលលោកសកលចុងក្រោយរបស់ ក្រុមហ៊ុន Knight Frank បានឱ្យដឹងថាទីក្រុង Surat នៅភាគខាងលិចប្រទេសឥណ្ឌាបានបង្ហាញពីកំណើនទីផ្សារលំនៅឋានជាមធ្យមចំនួន ២២,៣ ភាគរយនៅក្នុងឆ្នាំនេះគិតត្រឹមខែមីនាកន្លងមកនេះ។

តួលេខនេះគឺបង្ហាញពីការរីកលូតលាសយ៉ាងលឿនបំផុតដែលបានកត់ត្រារបស់ក្រុមហ៊ុន Knight Frank ក្នុងចំណោមទីក្រុងនានាដែលក្រុមហ៊ុនមួយនេះ បានតាមដាននៅលើទីផ្សាលំនៅដ្ឋានរចំនួន ១៥០នៅទូទាំងពិភពលោក។

ជាមួយគ្នានោះទីក្រុងលំដាប់ទី២ ក្នុងរដ្ឋ Gujarat របស់ឥណ្ឌាមានប្រជាពលរដ្ឋបានទិញលំនៅដ្ឋានចំនួន ៤,៥ លាននាក់ដែលធ្វើអោយទីផ្សារដែលមានកំណើនលឿនជាង ២០% ក្នុងមួយឆ្នាំៗ។

លោក Kate Everett-Allen ដែលជាដៃគូរបស់ក្រុមហ៊ុន Knight Frank បានពន្យល់ថា តំបន់ស្ថិតភាកខាងលិចនៃឆ្នេរសមុទ្ររបស់ប្រទេសឥណ្ឌាត្រូវបានកត់សម្គាល់ឃើញថាមានតំលៃនៅដ្ឋានមានការកើនឡើងខ្លាំងដោយសារជាបណ្តុំនៃទីប្រជុំជន។

អត្រាកំណើនលំនៅដ្ឋានដែលប្រកៀកគ្នារបស់ទីក្រុង Surat គឺទីក្រុង Izmir នៅក្នុងប្រទេសតួកគី និងទីក្រុងហុងកុងដែលមានកំណើនក្នុងរង្វង់ ១៦,៥% និង ១៥,៦%។

ប្រទសឥណ្ឌាត្រូវបានគេកត់ត្រាផងដែរថាការរីកចម្រើនទីផ្សារលំនៅដ្ឋានរបស់ទីក្រុងមិនដូចគ្នានោះទេ មានទីក្រុងខ្លះរីកចម្រើនខ្លាំង និងខ្លះទៀត មិនរីកចម្រើនទាល់តែសោះ ក្នុងចំណោមប្រទេសនៅលើពិភពលោក។ សន្ទស្យន៍របស់ក្រុមហ៊ុន Knight Frank បានបង្ហាញថា ប្រទេសឥណ្ឌា ស្ថិតនៅលំដាប់លេខរៀងទី ១៤៣ ដែលមានអត្រាធ្លាក់ចុះទីផ្សាលំនៅដ្ឋានចំនួន ៥ ភាករយ ដោយក្នុងនោះទីក្រុង Abu Dhabi ក្នុងប្រទេសអារ៉ាបបានធ្លាក់ចុះ ៧,២ % នៅក្នុងបញ្ជីខណៈពេលដែលនៅក្នុងទីក្រុងដាវីន ប្រទេសអូស្រ្តាលីឈរនៅលេខរៀង ១៤៧ បានធ្លាក់ចុះ ៦,៥% ។

សន្ទស្សន៍លំនៅដ្ឋានសកលលោកបានកើនឡើង ៤% នៅក្នុងឆ្នាំទៅត្រីមាសទី១ នៃឆ្នាំ ២០១៨ ធ្លាក់ចុះពី ៦,៤% កាលពីឆ្នាំមុន៕

ប្រភព : Property area