ភ្នំពេញ៖ សប្ដាហ៍ចុងខែមិថុនា និងដើមខែកក្កដា​ ឆ្នាំ២០២៣ មានភ្ញៀវទេសចរចេញដើរកម្សាន្តជាង ៣០ម៉ឺននាក់ ដែលមានតំបន់ទេសចរណ៍ ៧កន្លែងក្នុងស្រុក ចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ឆ្នាំ២០២៣។

ចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ឆ្នាំ២០២៣ មានភ្ញៀវសរុបមានចំនួន ៣០៦,៥២៤នាក់ ក្នុងនោះភ្ញៀវជាតិ ២៧៣,០៥៥នាក់ និងភ្ញៀវបរទេសផ្ទៃក្នុង ៣៣,៤៦៩នាក់។ បើតាមរបាយការណ៍របស់ក្រសួងទេសចរណ៍។

នៅក្នុងរបាយការណ៍បានបញ្ជាក់ថា គោលដៅទេសចរណ៍សំខាន់ៗ រួមមាន៖

* ខេត្តព្រះសីហនុ ៦៥,៨៧២នាក់

* ខេត្តបាត់ដំបង ៤២,៤៧៣នាក់

* ខេត្តសៀមរាប ៣១,៦៣៤នាក់

* រាជធានីភ្នំពេញ ៣១,៤២៤នាក់

* ខេត្តកំពត ២៨,៨៥១នាក់

* ខេត្តកំពង់ស្ពឺ ១៥,០៤៩នាក់

* ខេត្តកែប ១២,៣២៦នាក់។

បើតាមរបាយការណ៍ដដែល បានបន្ថែមថា ចំនួនភ្ញៀវទេសចរខាងលើ មានការកើនឡើងប្រមាណ ៣.៧៨% ធៀបនឹងសប្តាហ៍កន្លងមក។

គូសបញ្ជាក់ថា រយៈពេល៦ខែ ឆ្នាំ២០២៣នេះ ភ្ញៀវទេសចរក្នុងស្រុកសរុបមានចំនួនប្រមាណ ១១.១លាននាក់ កើនឡើងប្រមាណ ៧៥% ធៀបនឹងឆ្នាំ២០២២៕

ដោយ៖ មឿន ឌីណា (Moeun Dyna)